PAGLABAS nila sa kwarto ay may naghihintay na sa kanilang
mercedes benz. Wala naman iyon kanina nang pumasok sila ng kwarto.
Kung may bulaklak sana ang naturang sasakyan ay iisipin niyang bridal car ang naturang sasakyan na naghihintay sa kanila pero hindi.
Napatingin siya sa kanyang dalawang nanay at kay Nicole.
"Nasaan pala ang mga kasama natin?" tanong niya dahil kanina ay puno sila sa kwarto at ngayon ay apat na lang sila.
"Naunang lumabas sila kanina," sagot ni Nanay Belen sa kanya na palinga-linga rin.
"Hindi ko rin makita si Jonas," sabat naman ni Nanay Salud. Tiningnan nito ang kabilang kwarto pero walang tao.
"Wala rin si Alfonso," wika naman ni Nicole.
Hindi man lang nila namalayan na iniwan na sila ng mga kasama.
Nilapitan sila ng driver ng sasakyan.
"Sumakay na po ka
