Chapter 16:Fault
"Nako, girl, sinong bagets ba 'yan? Napapadalas na 'yan, ah?"
Hindi agad ako nakasagot sa tanong ni Nicole. Kadarating lang naming dalawa dito sa faculty dahil nag-recess break ang mga bata. Hindi pa man ako nakakaupo ay may nakaagaw na agad ng pansin ko... Iyong isang tangkay ng kulay puting rosas at isang papel na may kung anong nakalagay roon.
Ang ipinagtataka ko kasi ay may kasama na itong sulat yata at ngayon naman ay kulay puting rosas na ang naabutan ko. Noong mga nakaraang araw ay palaging kulay pulang rosas ngunit ngayon ay puti. Hindi ko alam kung bakit ganitong kulay ang natanggap ko at kung ano ang ipinararating ng kung sino mang nagbigay nito sa akin, kung ano bang ipinararating niya sa puting rosas na ito.
Out of curiosity, tinignan ko iyong nakalagay sa
