Hoofstuk 5
Boris kyk by die kantoorvenster uit hoe sy uitsmyters nog 'n groep ouens uit die kroeg gooi. Die klubgangers het geleidelik erger geword soos die week verbygegaan het. Anders as die storieboeke en flieks, laat 'n volmaan nie weerwolwe verander nie, maar dit maak hulle 'n bietjie moeiliker om te beheer, en dieselfde kan vir die mense gesê word. Dit hou ten minste die wolwe besig vir ‘n rukkie.
Hy kyk na sy kleinneef en sien hoe die seun glimlag toe 'n mooi meisie 'n versoek insit vir 'n liedjie wat sy wil hoor. Om Brando as die platejoggie te huur was 'n goeie idee en hoewel die seun nog nie heeltemal gesond is nie, het die feit dat hy vir die eerste keer in 'n lang tyd gelukkig lyk, dit die moeite werd gemaak.
Sy kantoordeur gaan oop en onderbreek sy gedagtegang. Boris draai
