Dis nie die roofagtige kyk in die meisie se oë terwyl sy die ou man volg wat sy aandag getrek het nie, dis dat … onder daardie swart lipstiffie en donker oogomlyner … lyk die meisie presies soos sy ma. Kane weet dis onmoontlik, maar hy kan nie die vinnige klop van sy hart keer nie, terwyl hy net daar staan en na haar staar.
Angelica voel hoe haar eie hart ‘n klop mis toe sy die man sien wat die dogtertjie se hand in haar nagmerrie vasgehou het. Sy kyk hoe hy vir mense knik en weet hy doen dieselfde ding aan hulle as wat hy in die droom gedoen het. Om so naby aan hom te wees en die aura te voel wat sy nie in die droom gevoel het nie … weet sy wat hy is. Hy is 'n skadu-demoon. Hulle is demoniese entiteite wat nie hul eie liggame het nie. Hulle is parasiete wat menslike liggame steel om as g
