Lumipas ang mga araw simula nang araw na iyon na wala akong ibang suspect sa nangyari kung 'di si Lucianna. Siya lang ang nakikita kong may kagagawan niyon dahil mukhang siya lang ang may motibo gayong alam na namin na sa kumpanya nga nila nangutang sina Nanay noon.
Dahil sa resibong nakuha ko mula sa kwarto nina Lucianna at mula sa mga lumang gamit ni Nanay ay napatunayan ko na sa kumpanya nga nina Santhy naka-utang ng pera sina Nanay noon, na hindi na nila nabayaran dahil sa pagkamatay nila. Hindi ko na rin naman nagawang bayaran dahil ngayon ko lang nalaman ang totoo.
Dahil doon, mukhang ang mga Laxamana lang ang may motibo para gawin kina Nanay iyon. Kaya nga lang... Medyo may paga-alinlangan ako.
Minsan lang naman pumalya sa pag-bayad sina Nanay, hindi lang sila nakapagba-bayad kap
