NAGING abala kami sa paghahanda ng dinner. Ang sabi ko sa kanya ay pumunta kami ng palengke kanina upang bumili ng mga preskong isda. Nabanggit niya na gusto niyang kumain ng inihaw na bangus subalit walang stock sa ref kaya inaya ko siyang bumili. Naudlot ang plano nitong pagkulong sa akin sa loob ng silid namin.
Habang lulan ng sasakyan ay hindi ko maiwasang mapangiti. Mukhang problemado ang loko habang nagmamaneho. Kahit na anong pigil niya ay wala siyang nagawa. Huli na para bawiin pa ang sinabi niya. Kitang-kita ko ang pagsisisi sa mukha niya. Kahit na bahagyang nakambakol ay gwapo pa rin siya. Litaw na litaw ang kagwapuhan niyang taglay na siyang hinding-hindi mawawala sa kanya.
“Why the long face?” tanong ko sa kanya. “Hindi ka ba masaya na kasama mo akong bibili ng gusto mong kai
