“SI Mylene ang pangalan ng tunay mong ina, Maddie.” Katabi ko ngayon si mommy at nagsimula na siyang magkwento. Isa kang Mondragon, anak at kilalang abogado ang ama mo…si Devin Mondragon.”
Napalunok ako. Minsan ko ng narinig ang pangalang ‘yon noong nag-aaral pa lang ako sa high school at minsan pa ay nabalita na rin sa telebisyon. Siya pala ang tunay kong ama.
“Likas na matalino si Devin kaya naman hindi naging mahirap para sa kanya ang makilala. Naging inspirasyon siya ng marami nang may ipanalo siyang kaso na talagang sinubaybayan ng mga tao. Kahit kami noon ng daddy mo ay laging nakaantab sa telebisyon dahil lang doon.” Sumulyap si mommy sa pinto. “Si Ian ang makakapagkwento ng iba pang detalye.”
Nagkatinginan kami ni Jax.
“I know him,” sabad ni Jax. “Siya ang tumawag sa akin sa r
