MALAKAS akong napabuntonghininga. Hindi ako makapag-concentrate sa dokumentong binabasa ko dahil sa presensiya ni Jax sa loob ng opisina. Bagama’t may distansiya sa pagitan naming dalawa ay hindi ko maiwasang sulyapan siya dahil sa pagiging komportable niya. Kung titingnan siyang mabuti, tila siya ang nagmamay-ari ng opisina ko.
Marahan akong napailing. Simula nang bumalik siya galing sa pagkuha ng kung ano mula sa kotse niya ay tahimik lang siyang sa mahabang sofa habang nagbabasa ng kung anu-ano. Prente siyang nakaupo samantalang ako ay hindi mapakali. Tila gwardiyado ang bawat segundo ng oras ko sa pagtatrabaho.
Muli akong nagbuga ng hangin saka mariing pumikit. Kahit na ano sigurong gawin ko ay hindi ko na maiiwasan pa ang isang Jax De Guia. Hindi ko na maaari pang bawiin ang deal na
