MADDIE
“MISS, umalis na sila,” ani ng boses na kumausap sa akin kanina. “Matatagalan pa ang mga ‘yon bago bumalik kaya kailangan nating magmadali.”
Hindi ako kumibo. Nakiramdam lang ako sa paligid. Napalingon ako nang sinimulan na niyang tanggalin ang tali ko sa kamay. Hindi pa rin nawawala ang kakaibang kilabot sa buo kong katawan dahil lamang sa pagkakadikit ng balat nito sa akin.
“Naku, namula na ang pala-pulsuhan mo,” dagdag pa nito saka marahang hinaplos ang bahaging tinalian.
“Pakitanggal na rin ang piring ko sa mata, please.”
Sinunod naman niya agad ang sinabi ko. Ilang beses ko ring ikinurap ang mata ko saka ko tuluyan nakita ang kabuuan ng paligid kung nasaan ako.
“N-nasaan tayo?” Bumungad sa harapan ko ang isang lalaking may katamtaman ang kulay na hindi nalalayo sa edad
