ISANG itim na sasakyan ang naghihintay sa amin ni Attorney Matthew paglabas ng airport. Nagtulong ang matandang driver at isa pang lalake sa pagkuha ng aming mga bagahe at paglagay ng mga iyon sa trunk ng kotse. Magkatabi kami ni Attorney Matthew sa likurang upuan. Tahimik lang ako habang nakikipag-usap naman siya sa lalake sa front seat.
“Alam nilang pauwi ka ngayon ng Manila, Attorney. They are inviting you tomorrow evening. Sasabihin ko ba kay Madam Emilia na hindi kayo makakarating?”
“No. Tawagan mo sila at sabihin mong darating ako.” Nilingon ako ni Attorney Matthew pagkasabi noon.
Mula sa terminal ay tumuloy kami sa isang exclusive subdivision. Sa eroplano pa lang ay sinabi na sa akin ng abogado kung saan ako titira pagdating sa Maynila. Sinabi rin niya na hindi ako mag-isa dahil
