MAAGA akong inihatid ni Sir Grant sa sakayan. Walang nangyari sa amin pagdating sa bahay niya. Nagpadeliver lang siya ng pagkain na tahimik naming pinagsaluhan. Halos hindi nga niya ako kausapin. Sa tingin ko ay wala siya sa mood. Nabalot naman ako ng insecurity. Paano kung nagsisimula na siyang magsawa sa katawan ko? Goodbye na lang?
Nang magpaalam ako para umuwi ay ni hindi niya ako pinigilan. Pumayag na lang akong magpahatid para makasama ko pa rin siya kahit sandali.
“Oy, Iha, anong nabalitaan ko na may bumisita sa’yong Fafa?”
Napukaw ako sa tanong ni Nicole na nakaupo ngayon sa kaha. Tulala kasi ako sa isang silya sa sulok ng parlor. Katatapos lang ng dalawang customers na parehong nagpa-rebond ng buhok. Nagpaalam naman ang dalawang tao ni Nicole na magmemeryenda sa labas.
“Saa
