"HUWAG ka ng mag-isip pa ng kung ano-ano, Jovert," nag-aalalang sabi sa akin ni Sally. "Matulog na tayo. Baka kung ano pa ang mangyari sa 'yo. Please."
Napilitan akong tumango para hindi na niya ako alalahanin. Hinalikan ko siya sa noo at sinabi kong matulog na siya.
"Ikaw ang matulog na, Jovert," sabi niya. "Baka mag-isip ka pa ng mag-isip. Masama sa 'yo ang mapuyat."
"Matutulog na ako," sabi kong minsan pa siyang hinalikan sa noo. "Sige na, matulog ka na din."
Tiniyak pa ni Sally na matutulog na nga ako bago siya pumikit. Hindi nagtagal ay mahimbing na siya pero ako ay nanatiling gising. Kung ano-ano ang pumasok sa isip ko, na naging dahilan kaya hindi na ako nakatulog. Nang mapatingin ako sa wall clock ay nalaman kong alas-kuwatro na ng umaga.
"Hindi na ako nakatulog," bulong ko sa
