NAGULAT man sina Sally at Aldin sa pagdating ko, na kasama si Althea ay higit pa roon ang pagkagulat na sumalubong sa akin. Napasukan ko kasi sa salas si Anna, na halatang aburido habang nakaupo sa sofa. Agad kong naramdamang may problema.
"Good morning po," bati ni Anna na tumayo at bahagyang yumukod.
"Narito ka pala. Maupo ka."
"Saan ka ba galing?" tanong ng asawa ko habang naka-alalay sa akin. Halata ko na nagpapakahinahon siya. "Hindi ko alam na umalis ka pala ng bahay. Maupo ka muna."
Umupo ako sa one seater sofa na nakatingin sa hindi ko inaasahang bisita, habang ito ay nakatungo at tila hiyang-hiya. Inilipat ko ang nagtatanong na tingin sa asawa ko.
"Mahal, s-si Anna," sabi ni Sally, na hindi napigilan ang nginig sa boses. "May sadya siya rito."
"May problema ba?"
Nag-angat s
