"OO, MADAM," pabuntonghininga kong tugon kay Madam Amanda. "Ang totoo ay si Jovert ang naramdaman ko noong oras na 'yon. Ang way nang pagsasalita ni Zaldy ay mismong ang asawa ko. Ramdam na ramdam ko si Jovert kaya hindi ko siya natanggihan."
"Mabuti at pumayag siyang maghintay. At sabi mo nga ay handa siya gaano man katagal."
"Walang alam ang lahat tungkol sa pagsanib ng kaluluwa ng asawa ko kay Zaldy. Kaya pangit sa kanilang paningin kung tatanggapin ko agad siya. Baka sabihin ng mga tao ay agad akong lumandi. Ayokong maging masama sa paningin ng iba."
"Tama, Sally. Hayaan mo ring manuyo at umakyat ng ligaw si Zaldy tutal ay tiyak mo namang seryoso talaga siya."
"Hindi ko talaga inaasahang mangyayari ang ganito, Madam Amanda. Mabait ang Diyos sa amin dahil hindi pa rin lubusang nawal
