"MOMMY, bakit binanggit mo po ang pangalan ni daddy?" tanong ni Aldin sa akin na kunot-noo. "Nakakahiya naman po kay mang Zaldy."
Parang biglang sumakit ang ulo ko dahil sa naramdamang hiya sa anak ko. Kaya napautungo ako at umiling habang sapo sa noo. Nakakahiya kay Aldin dahil narinig pala niya ang bulong ko. Hindi ako nag-iingat. Naiinis ako sa sarili ko!
"I'm sorry," sabi ko na lamang. "Pasensiya na."
Ayaw ko na talagang tumingin kay Zaldy. Hindi ko gustong mabanggit na naman ang pangalan ng asawa ko -- na nakikita ko sa mukha ni Zaldy.
"Hindi ba masama ang pakiramdan mo, Sally?" tanong sa akin ni Zaldy na bakas sa tinig ang pag-aalala. "Puwede ka namang umuwi na para magpahinga ka na."
"Opo, mommy," sabad ni Aldin na napansin ring hindi maganda ang ikinikilos ko. "Kung hindi po o
