"SALLY, narito ang kaluluwa ng asawa mo," sabi Madam Amanda. "Kasama ko siya ngayon."
Nasapo ng asawa ko ang sariling dibdib. Bumalatay sa mukha niya ang takot.
"Wala kang dapat katakutan, Sally. Hindi n'yo naman makikita si Jovert na parang multo. Relax."
Tumango siya at inanyayahan si Madam Amanda na umupo.
"Salamat sa pag-unawa, Sally," sabi nito na sumabay sa pag-upo ng asawa ko. Saka tumingin sa akin habang nakatayo ako sa may tabi niya. "Jovert, maupo ka sa tabi ni Sally."
Ginawa ko ang utos niya. Para namang nakaramdam ng lamig si Sally na napahalukipkip. "N-nasa tabi ko na ba siya, Madam Amanda?"
"Ano sa palagay mo, Sally?"
Napapislig siya. "K-kakaiba ang lamig na nararamdaman ko. Nakaupo na nga siguro ang kaluluwa ni Jovert sa tabi ko."
Nangilid ang mga luha niya. Saka gar
