Lumakas ang bulung-bulungan ng mga tao sa loob ng headquarters nang marinig ang sinabi ni Antonio Crisostomo. Sunod-sunod na rin ang pagtunog at pagkislap ng mga camera sa paligid. At hindi na magkandahumayaw ang mga reporters sa pagtatanong sa mag-amang sa tingin ng marming naroon ay mga bayani. Mabilis na kumalat ang balita sa buong Arkhenham at nagdatingan na rin ang ilang taong bayan para makita ang tinatawag nilang tagapagmana ng trono ng the Stabber. Pero kami, kaming lahat na nasa pwersa ng kapulisan ay hindi makapaniwala sa aming nakikita. Paanong ang isang mailap, matalino at malinis magtrabaho na killer ay bumagsak sa kamay ng ganito?
“Paano kayo nakakasiguro na ito si Anthony Gregorio?” hindi pa rin makapaniwalang tanong ni Hepe sa mag-ama. Kung titignan mo ang mag-amang Crisos
