May pulso pa si Mang Eli. Pero hindi maganda ang tama niya sa ulo. Malamang na ang pigurin na ito, na nasa sahig, ang ginamit para mapatulog siya. Pero sino ang gagawa nito? Magnanakaw? Si Grace? Isa pa, sino kaya ang kasama ni Grace doon sa headquarters? Sino ang lalaking ‘yon na naglagay ng bomba sa C.R? Maaari kayang si Anthony Gregorio na ‘yon?
Napakaraming tanong ang naglalaro sa isipan ko. Kailangan ko ng mga sagot. Naghanap ako ng CCTV camera sa bahay ni Mang Eli at saktong mayroon na nakalagay sa labas at sa sala. Agad kong hinanap kung nasaan ang mga CCTV monitors nito pero napakalaki ng bahay at hindi ko alam kung saan ko iyon hahanapin. Inisa-isa ko ang mga kwarto pero wala doon ang hinahanap ko. Maging sa kwarto ni Mang Eli ay wala doon ang monitor. Saan naman kaya itatago ng
