BAKAS ang gulat sa mukha ni Allan at ng ina nito sa sinabi niya.
“A-anak? Kailan ka nagkaanak at s-sino ang ama? May asawa…ka na?” Nangilid ang luha nito na agad din pinunasan kaya nagtaka siya sa reaksyon nito.
Bakit siya umiiyak? Ang tanong niya sa sarili pero hindi na siya nagsalita pa at umupo para mapantayan ang anak. Tumingin muna siya kay Jelly at nakangiti itong tumango.
“Anak, hindi ba sabi ko magkikita rin kayo ng papa mo?” tanong niya kay Alee.
“Mama, kahit po hindi na kung ayaw niya—”
“Shh. Nandito na siya, anak. Hindi niya ayaw, okay?” sagot niya nang pulutin sa pagsasalita ang anak.
“Nasaan po siya?” tanong nito. Tumayo siya at humarap kay Allan.
“Alee, si Mr. Allan, siya ang…papa mo,” utal niyang wika.
Nanlaki ang mga mata ni Allan sa gulat at napatakip sa bib
