KABANATA 20
Nanlaban ang matabang lalaki. Hawak nito sa leeg ang halimaw na tumutulo ang laway na may kahalong dugo sa nakabukang bibig. Nakalabas ang matatalim nitong ngipin na pilit na gustong manakmal. Gamit ang dalawang kamay kumuha ng malaking bato ang maliit na lalaki at hinampas sa likuran ang halimaw, ngunit parang hindi ito nasaktan dahil hindi man lang natinag.
Ilang beses pang hinampas ng maliit na lalaki ang halimaw sa likod, kaya napatigil ito at luminggo habang nanlilisik ang namumulang mga mata. Sa takot ay nabitawan ng lalaki ang hawak na bato at hindi na uli nakakilos. Binalikan muli ng halimaw ang matabang lalaki at natulala na lamang si Malaya nang dukutin ng halimaw ang sikmura ng lalaki na kinukubabawan nito.
Hinawakan siya sa braso ng matangkad na lalaki at patakbo
