KABANATA 44
Tuwing Sabado at Linggo ang training ko kay Kidlat. Every week iba-iba ang pinapagawa niya sa ‘kin. Tulad ngayon, pinapulot niya ako ng maraming bato bago siya pumanik sa itaas ng puno dala ang supot na laman ang mga batong inipon ko.
“Yon lang? Ang dali naman ata ng pinagawa mo sa ‘kin ngayon. Hindi man lang pinagpawisan ang kili-kili ko.”
“Anong ‘yon lang?” Walang sabi-sabi ay binato niya ako ng bato at tumama ito sentro sa noo ko. Nahilo ako at napaupo. Paghawak ko sa noo ko, may dugo. Grabe, pagkasadista nito. May lihim pa rin ata siyang galit sa ‘kin. Tama lang na hindi ko na pinasama si Mona at pinag-stay ko na lang siya sa kweba kasama si Munti at Tata, dahil kapag nakita niya akong duguan sa noo, baka awayin na naman niya si Kidlat, tulad noong nakaraang Linggo.
Ito
