البارت الثاني (2)

1036 Words

البارت الثاني ? حب خادع ? حياه: تنظر له بصدمه وتحدث نفسها لا مش معقول دا مستحيل لا وتنزل دموعها وتحس بدوار شديد ويغمي عليها وتقع في الارض ويشوفها حمزه يجري عليها يشيلها وينيمها علي الاريكه ويحاول إفاقتها ولكن دون جدوي يروح يجيب مايه ويحاول تاني وتبدأ حياه تفوق حمزه: انتي كويسه يا انسه حياه: وتحاول تداري دموعها ا.ايوه انا كويسه وتقوم حياه تقف وتتكلم بقوه ع** ما بداخلها سوري علي التأخير وتلف علشان تمشي بس ايد حمزه تمنعها حمزه: استني هنا حياه بعصبيه: اوعي ايدك دي متلمسنيش انا ماسمحلكش ومش علشان انت مديري يبقي تتعدي حدودك معايا حمزه بغضب: انتي ازاي تكلميني كده انا حمزه الصياد حياه بهدوء: بص حضرتك انا تأخيري مش هايحصل تاني وبعتذر علي اللي حصل حضرتك عايز مني حاجه ولا اروح علي مكتبي حمزه: ويتصدم من هدوئها المفاجئ اتفضلي علي مكتبك واتمني اللي حصل النهارده مايتكررش تاني حياه: حاضر يا فندم وترجع حياه علي مكتبها وتنزل دموعها وتفتح شنطتها وتجيب منها صوره وتحضنها وتعيط بانهيار وبعد وقت تمسح حياه دموعها وتبدأ تشوف شغلها وبعد انتهاء ساعات العمل تروح حياه وتخبط علي مكتب حمزه ويأذنلها بالدخول حياه: حضرتك الملف دا جاهز وعايز امضتك اتفضل حمزه: طيب سيبيه علي المكتب فيه شغل تاني ولا خلصتي حياه: لا يافندم مفيش شغل تاني باقي الملفات خلصت وبعتها علي مكتب باشمهندس ياسر حمزه: طيب اتفضلي روحي حياه: شكرا يافندم عن اذنك وتمشي حياه ويقعد حمزه يخلص شغله ويمشي هو كمان ـــــــــــــــــــــــــــــــــــــــــــــــــــــــــــــــــــــــــــــــــ ڤيلا عائله الصياد يوصل حمزه ويدخل الڤيلا ويقابل والدته اللي ماتهتمش لوجوده دولت: حمزه كويس انك جيت انا عامله بارتي بالليل لازم تكون موجود اه صحيح كمان انا ناويه اعلن خطوبتك انت وتالا حمزه: ببرود ومين قالك يادولت هانم اني موافق اخطب تالا دولت: بعصبيه يعني ايه وهي تالا وحشه البنت حلوه وبنت عيله معروفه وتناسبك حمزه: بنفس البرود اسف يا دولت هانم بس تالا دي متناسبنيش المظاهر مش كل حاجه بس للاسف حضرتك ماتعرفيش غير كده دولت: حمزه انت ازاي تتكلم معايا بالاسلوب دا انت ناسي اني مامتك حمزه: بسخربه اه طبعا طبعا عن اذنك يا دولت هانم ويسيبها ادهم ويطلع غرفته ياخد شاور ويلبس هدومه ويروح علي غرفه اخته ليليان ويفتح الباب فجأة ويشوفها قاعده علي السرير فاتحه اللاب وبتدخن حمزه: بغضب شديد ليلياااااان ليليان بخضه وخوف ا.ا.ا.ابيه حمزه حمزه: ويض*بها بالقلم من قوته تقع ليليان في الارض ويقرب حمزه منها تاني ويمسكها من شعرها وينزلها علي تحت تشوف دولت حمزه ماسك ليليان كده تجري عليها وتشدها من ايده دولت: بعصبيه انت ازاي تعمل كده ازاي تمد ايدك علي اختك بالشكل دا حمزه: بغضب اسألي الهانم بنتك كانت بتعمل ايه دولت: عملت ايه يعني علشان تعمل فيها كده حمزه: الهانم كانت بتدخن بنتك بتشرب سجاير يادولت هانم دولت: دا مش مبرر لض*بك ليها بالشكل دا حمزه: لا بجد احيكي علي تربيتك يادولت هانم براڤوا عليكي عرفتي تربي دولت: حمزه اعدل كلامك معايا حمزه: بعصبيه اسمعي يادولت هانم مش حمزه الصياد اللي حد يقول ليه يتكلم ازاي وبنتك لو عملت كده تاني انا هقطع خبرها مش بنت دولت اللي هتجيب اسم العيله في الارض فاهمه ويسيبها ويطلع غرفته دولت: بس ياحبيبتي اهدي متخافيش ليليان: شايفه يا مامي عمل فيا ايه دولت: وحياتك ليدفع التمن بس استني وشوفي ليليان: تمسح دموعها طيب يا مامي انا هطلع اغير هدومي علشان رايحه اسهر انا وصحابي دولت: طيب ياحبيبتي روحي وتمشي ليليان وتقول دولت ان مادفعتك التمن غالي ياحمزه مبقاش انا دولت ــــــــــــــــــــــــــــــــــــــــــــــــــــــــــــــــــــــــــــــــــــ في المقابر تقف فتاه امام قبر احد ما وتنهار دموعها الفتاه: حياتي وحشه اوي من غيرك بعدك عني **رني حاسه اني مليش حد بعدك مبقاش ليا حد يشيل عني همي بعدك مين يقويني مين يقولي انا هفضل جنبك مين دلوقتي ياخدني في حضنه لما ازعل مين يقعد معايا ونهزر زي ما كنا بنهزر ونضحك مين يملي عليا حياتي انا من بعدك حياتي مش حياه بس اوعدك حقك هايرجع وروحك هاترتاح ودا وعد مني وتمسح دموعها وتمشي ـــــــــــــــــــــــــــــــــــــــــــــــــــــــــــــــــــــــــــــــــــــ في مكان ما هو: وحشتيني يا اغلي الناس هي: وانت كمان ياحبيبي وحشتني كده متسألش عليا كل المده دي هو: غصب عني ياحبيبتي والله هي: ربنا معاك ياحبيبي هو: انتي عامله ايه ياست الكل هي: بخير يابني الحمد لله هو: انا عارف ان انتي لوحدك بس اوعدك قريب اوي هتكوني معايا ومش هاتبقي لوحدك تاني ودا وعد مني هي: بدموع منه لله اللي كان السبب يابني منه لله علي عيني بعدي عنك والله علي عيني هو: ياخدها في حضنه اوعدك حقك هايرجع وهنسف اللي عمل فيكي كده من علي وش الارض المهم انا لازم امشي دلوقتي واوعدك هاجيلك تاني هي: طيب يابني ربنا معاك ياحبيبي ويغادر الشخص المكان ويأقسم بالدمار لكل واحد أذاها ـــــــــــــــــــــــــــــــــــــــــــــــــــــــــــــــــــــــــــــــــــــ في مكان اخر هو: انا لازم اخلص من اللي اسمه حمزه دا وبأسرع وقت هي: معاك حق كفايه عليه كده اوي هو: بكره هاتسمعي خبر موت حمزه الصياد هي: دا هايكون اسعد يوم في حياتي وبضحكه شر اخيرا هاخلص منه وكل حاجه هتكون في ايدي وتحت امري هو: احنا هنفضل واقفين هنا كتير انتي وحشتيني اوي هي: وتقرب منه وتلف ايديها حوالين رقبته وانت كمان وحشتني اوي هو: ويشدها ويدخل الاوضه ويقفلها ـــــــــــــــــــــــــــــــــــــــــــــــــــــــــــــــــــــــــــــــــــــ في منزل حياه توصل حياه البيت تلاقي والدتها بتحضر الغدا الام: ايه ياحبيبتي اتأخرتي كده ليه حياه: بتعب: معلش يا ماما كان عندي شغل كتير النهارده الام: طيب ياحبيبتي تعالي اتغدي وادخلي نامي حياه: لا مش هقدر انا جعانه نوم بس هدخل اغير هدومي وهنام اومال بابا فين الام: ابوكي نايم والنبي ياحبيبتي تصحيه يتغدي انتي عارفه مابيسمعش من حد غيرك حياه: حاضر وتروح حياه غرفه والدها تلاقيه نايم تروح تقعد جنبه وتصحيه بابا بابا قوم الاب: لا رد حياه: بابا حبيبي رد عليا الاب: لا رد حياه: بخوف ودموع تخرج تنادي والدتها ماما ب.بابا بصحيه مبيردش عليا الام: يالهوي ازاي وتجري الام ومعاها حياه علي غرفه عبد السلام الام: عبده ياعبده حياه: بدموع بابا والنبي رد علينا الام: عبده قوم ياعبده حياه بتنادي عليك حياه: بابا انا زعلانه منك علشان مابتردش عليا بابا رد عليا انا حياتك الام: تسكت وتعيط حياه: ماما انتي بتعيطي ليه ماما متخافيش بابا هايصحي دلوقتي بابا بص شوف ماما بتعيط ازاي هانت عليك دموعنا دي طيب بابا رد عليا بقي وبصوت عالي باااااااااااباااااااااا باااااااااااباااااااااا لااااااا خليك معايا يا باااااباااااا مش كل اللي بحبهم يبعدوا عني لااااااا بااااااباااااا حبيبي رد عليا رد علي حياااتك بااااااباااااا ــــــــــــــــــــــــــــــــــــــــــــــــــــــــــــــــــــــــــــــــــــ بقلمي: دنيا إمام توقعاتكم ياتري مين اللي بيخطط لقتل حمزه؟ ومين البنت اللي كانت في المقابر وياتري قبر مين اللي كانت عنده؟ ومين الشخص المجهول ومين اللي كانت معاه وهايجيب حقها ازاي ومن مين؟

Free reading for new users

Scan code to download app

App Store Google Play

Facebookexpand_more