? حب خادع ?

تعريف الشخصيات عائله الصياد حامد الصياد رجل يبلغ من العمر 50 عام وهو صاحب مجموعات الصياد ف مصر والشرق الاوسط زوجته دولت سيده عنصريه ولا تهتم غير بالمظاهر وكثره المال حمزه حامد الصياد: شاب ملتزم جدا في شغله بشرته حنطيه وعيونه عسلي شعره اسود غزير وجسمه رياضي 25 عام يوسف حامد الصياد: توأم حمزه توفي في حادث سياره والسبب مجهول ليليان حامد الصياد: فتاه جميله بعيون خضره وشعر اصفر ولكن شخصيتها عنصريه مثل والدتها ولا يهمها شئ غير المال وتبلغ من العمر 20 عام ــــــــــــــــــــــــــــــــــــــــــــــــــــــــــــــــــــــــ عائله عبد السلام عبد السلام رجل من طبقه متوسطه يبلغ من العمر 48 وزوجته عزه ربه منزل وهي ام كأي ام مصريه بسيطه شمس عبد السلام: البنت الكبيره حياه عبد السلام: فتاه تبلغ من العمر 22 عام وهي فتاه جميله بشرتها حنطيه عيونها رماضي وجسم متناسق وباقي الشخصيات هاتظهر في الروايه ـــــــــــــــــــــــــــــــــــــــــــــــــــــــــــــــــــــ بقلمي: دنيا إمام البارت الاول ? حب خادع ? تقف فتاه امام شركه تبدو عليها الفخامه من الخارج وتنبهر الفتاه بشكلها وتمشي بخطوات مستقيمه للداخل وتتحدث مع احدي الموظفات الفتاه: لو سمحت انا جايه علشان اعمل انترڤيو ممكن تقوليلي فين المكتب بتاع استاذ ياسر الموظفه: اتفضلي معايا هو في الدور اللي فوق الفتاه: ميرسي وتذهب الفتاه مع الموظفه الموظفه: اتفضلي يا انسه دا مكتب بشمهندس ياسر الفتاه: تذهب للسكرتيره لو سمحت انا كنت جايه علشان الانترڤيو السكرتيره: وريني السي ڤي بتاعك الفتاه: اتفضلي السكرتيره: طيب ثواني هبلغ بشمهندس ياسر وتذهب السكرتيره وتبلغ ياسر وترج تقول للفتاه اتفضلي يا انسه البشمهندس في انتظارك الفتاه: طيب شكرا وتذهب للفتاه لمكتب ياسر وتخبط حتي يأذن لها هو بالدخول ياسر: اتفضلي يا انسه اقعدي الفتاه: شكرا وتجلس الفتاه علي الكرسي المقابل له ياسر: اسمك وسنك الفتاه: اسمي حياه عبد السلام عمري 22 سنه ياسر: طيب عندك اي خبره عن شغل السكرتاريه حياه: ايوه يافندم ياسر: طيب يا انسه حياه تحبي تبدئي الشغل من دلوقتي ولا تبدئي من بكره حياه: بحماس من دلوقتي يا فندم انا مستعده ياسر: طيب انتي هتكوني سكرتيره بشمهندس حمزه رئيس مجلس الاداره هو حاليا مسافر وهيرجع بعد يومين اتفضلي والسكرتيره بره هتوصلك لمكتبك وهتعرفك هتعملي ايه بالظبط حياه: شكرا يا بشمهندس وبأذن الله هكون عند حسن ظن حضرتك وتذهب حياه للسكرتيره السكرتيره: اتفضلي معايا هاوريكي مكتبك وهافهمك نظام الشغل حياه: طيب وتذهب حياه مع السكرتيره وتوريها مكتبها وتبدأ تفهمها نظام شغلها السكرتيره: كده تمام حياه: تمام فهمت متشكره اوي تعبتك معايا السكرتيره: بابتسامه لا طبعا كمان اتمني نكون صحاب حياه: بابتسامه اكيد طبعا وتمد ايديها انا اسمي حياه السكرتيره: وتمد ايديها هي للاخري وانا شمس حياه بحزن: اتشرفت بيكي يا شمس شمس: مالك يا حياه انتي كويسه تعبتي تحبي تروحي حياه: لا ابدا دا بس علشان اول يوم شغل شمس: طيب ياقلبي انا لازم امشي دلوقتي علشان عندي شغل حياه: طيب ياحبيبتي روحي وتذهب السكرتيره وتعود لمكتبها وتقعد حياه تشوف شغلها بس تنزل الدموع من عنيها تمسحها وتكمل شغلها وبعد وقت يخلص دوام شغلها وترجع بيتها ـــــــــــــــــــــــــــــــــــــــــــــــــــــــــــــــــــــــــــــــــــــ في بيت حياه ترجع حياه من شغلها وتنادي علي والدتها وتأتي والدتها من المطبخ الام: عملتي ايه ياحبيبتي واتأخرتي كده ليه حياه: الحمد لله يا ماما خدت الوظيفه وبدأت شغل النهارده ولسه راجعه الام بفرحه: طيب الحمد لله يابنتي ثم تقول بحزن انا عارفه يابنتي ان الحمل تقل عليكي من ساعه ما ابوكي تعب وانتي بقيتي مسؤاله عن البيت ومصاريف علاج ابوكي حياه: متقوليش كده ياحبيبتي صدقيني انا مرتاحه اومال بابا فين الام: جوه في الاوضه والنبي يابنتي ساعديه وخرجيه عقبال ما اجهز الغدا حياه: حاضر وتروح حياه لغرفه والدها وتدخل وتقول بمرح باااابااااا حبيبي عارف انا استلمت وظيفه النهارده وبدأت شغل كمان الاب: يبص لحياه بحزن وانزل دموعه حياه: بابا حبيبي مالك وايه الدموع دي الاب: يبص ليها بنظره وعرفت معناها حياه: يا بابا والله انا مرتاحه والحمل مش تقيل عليا ولا حاجه بالع** دي حاجه بضيع بيها وقتي وكمان شغلي مش متعب وتمسح حياه دموع والدها وتقول يلا يا حبيبي علشان نتغدي وتساعده وتقعده علي الكرسي المتحرك وتروح عند سفره الغدا الام: لازم يعني ست حياه هي اللي تساعدك علشان تيجي تتغدي حياه: بمشا**ه ايه ست الكل شكلها غيرانه ولا ايه الام: بس يابت ويلا اقعدي اتغدي وروحي نامي وارتاحي شويه حياه: حاضر وتقعد حياه تتغدي وتخلص اكلها وتروح غرفتها وتطلع صوره وتبصلها بحزن وتنزل دموعها تمسحها وتاخد الصوره في حضنها وتنام ــــــــــــــــــــــــــــــــــــــــــــــــــــــــــــــــــــــــــــــــ بعد مرور يومين في شركه الصياد يدخل شاب بهيبته واناقته المعتاده ويذهب الي مكتبه ويلاقي مكتب السكرتيره فاضي يروح مكتب ياسر حمزه: انا مش قولت ارجع من السفر الاقي سكرتيره ياسر: حمزه حمد لله علي السلامه وصلت امتي حمزه: دلوقتي انت مش قولتلي انك عينت سكرتيره ياسر: ايوه يابني اتعينت من يومين وملتزمه جدا بالمواعيد حمزه: بسخريه لا ماهو باين انا رايح مكتبي ولما الهانم تيجي تخليها تدخل مكتبي علي طول ياسر: طيب ويمشي حمزه يروح مكتبه بعصبيه وبعد شويه توصل حياه وتقعد في مكتبها وتبدأ شغلها وتيجي شمس شمس: حياه دخلتي لبشمهندس حمزه حياه بصدمه: مين شمس: نهارك اسود بشمهندس حمزه وصل من بدري وحضرتك اتأخرتي وهو اتعصب جدا وطلب انك تدخلي مكتبه اول ماتيجي حياه بارتباك: طيب شمس: ربنا معاكي بقي هرجع انا مكتبي حياه: وتقوم تخبط علي باب مكتب حمزه ويأذنلها بالدخول وتدخل بارتباك تلاقي حمزه منشغل ببعض الاوراق حياه: ا.ا.ا.انا اسفه اوي يا فندم مكنتش اعرف ان حضرتك في المكتب حمزه: ويرفع رأسه ويتحدث ببرود والله المفروض يعني حضرتك تلتزمي بمواعيد شغلك سواء انا موجود او مش موجود حياه: له بصدمه وتحدث نفسها لا مش معقول دا مستحيل لا وتنزل دموعها وتحس بدوار شديد ويغمي عليها و.......... ـــــــــــــــــــــــــــــــــــــــــــــــــــــــــــــــــــــــــــــــــــــ بقلمي: دنيا إمام ياتري ليه حياه اغمي عليها لما شافت حمزه؟ وايه سبب دموعها لما سمعت اسم شمس؟