KINAKABAHAN si Kristel. Hindi siya mapalagay sa kinauupuan at hindi niya maintindihan kung bakit.
On the way sila ngayon papunta sa San Vicente. Ngayon kasi ang araw ng kasal ng mga kaibigan ni Nathan na sina Ysabel at Jaden. At katulad ng napag-usapan ay sinundo siya nito sa Mansion ng lolo nito.
"Hey, are you okay?" nakangiting puna ni Nathan na siyang driver din ng sarili nitong kotse.
Nilingon niya ito at bahagyang ngumiti. "I'm fine. Medyo kinakabahan lang ako," pag-amin niya.
"Why? I'm sure sa mundong ginagalawan mo ay hindi na bago ang malalaking parties na katulad ng dadatnan natin."
"You're right, hindi nga bago sa akin ang dumalo sa malalaking parties. Kaya maski ako sa sarili ko ay hindi sigurado kung bakit ako kinakabahan ngayon. Siguro dahil natatakot ako sa mga kaibigan
