Siguro ay may isang oras din ang nakalipas nang muling dumating si Luna sa bahay. May kasama na itong isang matandang lalaki. Nakasuot ito ng sumbrero na gawa sa kawayan. Mahaba ang manggas ng suot na damit at nakasuot ng tila kupas na pantalon na kulay itim.
Agad na bumaba at yumuko ang matanda upang tingnan ang paa kong nasaktan.
"Naipitan lamang ito ng ugat. Hihilutin ko pagkatapos ay magpahinga ka ng dalawa hanggang limang araw. Makakapaglad ka nang muli nang maayos," ika nitong ako ang kinakausap ngunit nkatutok ang tingin sa paa ko.
Tiniis ko ang sakit nang hilutin nga niya ang aking paa. Gamit niya ang tila langis na may tila isang kahoy sa loob ng lagayan. Ilang beses niyang ring pinaikot-ikot ang paa ko mula sa bukong-bukong. At sa bawat galaw na ginawa niya ay tila naman mapu
