NAKATANGA si Calixa sa pinaka-iibaba ng hagdan. Pasado alas kuwatro na iyon ng hapon. Wala siyang kasama sa bahay. Nasa kainan pa ang mga kasama niya. Hindi muna siya pumasok dahil wala siyang gana at wala siya sa mood. Isa pa ay ayaw niyang makita si Gilbert. Nag-iisip na nga siyang bumalik sa kanilang probinsiya para huwag na itong makita pa. Kunsabagay ay mukhang wala ng plano ang binata na amuin siya. Kahapon pa siya nakipaghiwalay pero hindi na ito tumawag o pumunta sa kanya. Mukhang madali siya nitong napakawalan. Hindi kagaya niyang buong gabi at araw siyang nagmukmok at umiiyak.
Sira talaga siya dahil kahit galit na galit siya dito ay naiisip pa din niyang babalik sa harap niya si Gilbert at magmamakaawa itong magkabalikan sila. At mangyayari ang kagaya ng nangyari sa kanila ni R
