“KUMUSTA na ang nobya ng presidente niyo?” tanong ni Calixa kay Gilbert.
Kasalukuyan silang nasa punong hagdan at naupo doon pagkatapos kumain ng hapunan. Magkatabi silang dalawa at bahagyang nagdidikit ang kanilang mga katawan. Medyo kinakabahan siya ng mga sandaling iyon dahil sa isang bagay na nais niyang gawin – isang bagay na dapat ay nagawa na niya noong isang araw pa.Hindi din niya alam kung papaano sisimulan ang nasa isip o kung papaano niya sasabihin kay Gilbert na mahal din niya ito.
Kanina pa siya hindi mapakali. Habang naghahapunan sila ay hindi na nawala sa isip niya kung papaano niya sasasagutin ang binata. May mga linya pa nga siyang pinapractice pero palaging hindi niya gusto. Sa huli ay sinabi niya sa sariling magpakanormal lang siya at huwag masyadong kabahan – rather e
