NAGPUPUNAS ng isang mesa si Calixa ng pinagkainan ng kakaalis lang na costumer nila. Bakante ang ilang mesa na naroon dahil pasado alas nuwebe palang ng umaga. Ang mga madalas kumain sa kanila ay nasa mga trabaho pa sa mga katabing gusali ng kainan tulad ng UA Inc.
“So… this is your job huh.”
Narinig ni Cali ang boses ng isang babae sa likod niya. Mula sa mesa ay nag-angat ng tingin si Cali.
“Good Morning ----.” Naputol ang masiglang pagbati niya sa inaakala niyang costumer ng makilala ang may-ari ng boses na nagsalita. Parang may nagbigay ng isang babala sa isip niya. War zone! Mabilis na nabura ang ngiti sa kanyang labi ora mismo.
Huminto ang tingin niya sa babaeng nakatayo sa mismong gitna ng kainan. Para itong nagmukhang naligaw na model sa lugar. Nakapustura ang babae at may make-
