NASA likod niya si Gilbert. Aware siya doon kahit hindi niya ito lingunin. Bukod doon ay tila nasasanay na siya sa presensiya ng binata. Hindi man niya ito makita ay nararamdaman naman ng senses niya ang presensiya nito. Pamilyar na din siya sa amoy nito kapag nasa malapit. Maging ang pagkabog ng kanyang dibdib ay awtomatiko na din kapag nasa malapit ito. Nasa kusina sila ng kainan at oras ng tanghalian kaya naroroon nanaman ang binata at nangungulit sa kanya. Katatapos lang din nilang magsalo sa isang tanghalian. Gaya ng dati ay hindi niya ito kinakitaan ng kaartehan ng ihain niya dito ang pagkain doon. Ang lakas pa nga nitong kumain. Mukhang wala pa itong balak bumalik sa opisina nito kaya tumambay pa ito doon.
Napaurong siya ng sa pagharap niya dito ay nakatayo na pala ito malapit na
