MALALAKAS at sunod-sunod na pagkatok ang ginawa ni Gilbert sa pinto ng unit ni Madeline. Makulimlim na makulimlim ang mukha niya at hindi na siya makapaghintay na mabuksan ang pinto. Kulang nalang ay gibain niya iyon. Kapag nalaman niyang totoo ang theory nila kanina sa usapan nilang mga kapwa niya EXECOMS ay talagang mapipilipit niya ang leeg ni Madeline. Malapit na niyang balyahin ang pinto ng bumukas iyon. Nakaroba at tila bagong paligo si Madeline ng magbukas ng pinto.
Bahagya lang ang pagkagulat sa mukha nito ng makita. Pangiti na sana ito pero ng makitang makulimlim ang mukha niya ay napalis ang masayang anyo nito. Hindi nakaligtas sa kanya ang pamumutla ng mukha nito ng masulyapan ang kahong hawak niya.
"Gilbert! What ---."
Naputol ang sasabihin nito ng walang sabi-sabing kaladka
