bf#33 - "Intimate"
*GABRIEL*
11:33 PM
"Magandang gabi sir." Bati sa akin ng guardiya ng Lopez. Napadaan lang ako sa lugar na ito kaya balak ko sanang silipin muna si Wendell. Hindi ko rin alam kung tulog na siya. Hindi naman siya nagrereply na sa mga texts ko kanina pa.
"Magandang gabi rin. Napansin ko nakapatay ang ilaw sa unit ni Wendell mula sa labas---wala ba siya riyan?" Tanong ko.
"Hindi ko po napansin na umuwi siya kanina." Sabi nito.
"Ganoon ba? Okay sige. Salamat."
"Akyatin nyo na rin sir. Baka hindi ko lang napansin na nakauwi siya---pero sigurado ako na hindi pa siya umuwi. Kasi nitong huling tatlong nakaraang araw, hatid sundo siya ng dati niyang kasama na si Geomar. Kanina sinundo siya---pero hindi pa rin dumarating ang sasakyan niya o dumaan kaya. Baka magkasama pa si
