He is sick, why am I worried?
1354 Words
Narinig ng isa sa mga tauhan ko na
alam na nila Renato kung nasaan
kayo Stallione at papunta na sila
diyan ngayon. Kailangan niyong
makalipat sa lugar na ibinigay ko
sa iyo sa lalong madaling panahon.
Pinapunta ko na diyan ang chopper
namin at ililipat nila kayo sa islang
sinasabi ko sa iyo Stallione. Ingatan
mo sana ang apo ko at huwag
mong hahayaan na makuha nila si
Lian sa iyo dahil alam kong
gagamitin ni Renato ang apo ko
para mablack mail niya ako at
mapilitan akong ipakasal ang anak
niya sa apo ko. Sunod sunod na
wika ni Don Edmundo sa akin nang
sagutin ko ang tawag na iyon.
Okay sige po iaayos ko
lamang po ang lahat ng gamit ko
para sa paglipat namin, sagot niya.
Magmadali kayo Stallione
at malapit na din ang chopper
diyan.
Okay sige po, ako pong
bahala kay Lian at pinatay na ang
cellphone.
Mabilis niyang kinalas ang
lahat ng mga gamit sa secret
room ang mga surveillance camera
at ilan pang mga makabagong
kagamitan sa pangtatrack ng tao
ang isinilid niya sa kanyang
mahabang bag maging
ang mga baril na nakatago ay
inilikom din niya.
Nang maisilid ang mga
mahahalagang bagay sa bag.
Pinuntahan niya ang dalaga at
pinaamuyan ng pampatulog para
maisama nang di ito nagrereklamo
sa lugar na paglilipatan nila.
Sakto ang pagtawag ng Don sa
paglapag ng chopper sa malawak
na bakuran niya sa gitna ng
kagubatan. Binuhat niya ang dalaga
at isinakay sa chopper matapos ay
binalikan ang gamit sa loob para
kunin ang mga gamit sa bag.
Patakbo siyang lumabas nang may
magpaputok mula kung saan at
nadaplisan siya sa braso. Kahit na
umaaaray ay nagawa niyang
makasakay sa chopper habang
inaalalayan ng isa sa mga tauhan ni
Don Edmundo sa nagpaputok ng
baril sa kanya. Nang makasakay ay
nakikipagbarilan pa ang isa sa
tauhan ni Don Edmundo, mabuti na
lamang at nakaangat na sila.
Pinunit niya ang damit at itinali ito
sa nagdudugong braso.
Nang marating nila ang isla,
tinulungan siya ng tauhan ni Don
Edmundo na maibaba si Lian at
agad naman niyang kinuha ang
first aid kit at nilinis ang sugat.
Nagpaalam na ang mga ito at
sinabing tatawagan siya ni Don
Edmundo kapag nakabalik
ang mga ito sa siyudad.
Napapaaray siya sa sakit kapag
nadadampian ito ng panlinis sa
sugat, ngunit laking pasasalamat
niya na mababaw lamang ito at
daplis lang. Saka hindi niya
napansin sa pagmamadali kanina
na may mga tauhan na pala ang
kalaban sa lugar niya. Nang
malinis nilagyan niya ng gasa ang
sugat at itinago niya ito sa damit
para hindi mahalata ng dalaga
kapag nagising ito.
Madilim na ang paligid nang
magising si Lian sa hindi na naman
pamilyar na lugar, iba sa lugar na
kanyang nakabisa na ata ang bawat
kanto. Sa ngayon tila nasa isang
vacation house sila dahil
dumadampi sa balat niya ang
malamig na hangin na tila galing sa
dalampasigan. Sumilip siya sa
bintana at namangha sa nakita.
Nasa gitna sila ng isang isla at
napakaganda ng tanawin sa labas
idagdag pa ang preskong hangin ng
malamig na paligid. Inikot niya ang
paningin sa kwarto at gawa ang
paligid sa salamin at pinasadya
siguro marahil upang makita ang
tanawin sa labas. Kung iisipin
perfect place para sa mag-asawa.
Napapitlag sa naisip.
Mali na naman siya, bakit
naman iyon agad ang pumasok sa
isipan niya. Himala wala siyang
posas at malaya siyang
nakakagalaw. Binuksan niya ang
pinto ng kuwarto para lumabas at
namangha siya sa nakita sa sala.
Puno ng mamahaling gamit ang
sala at mga painting na lahat ay
ibinagay ang tema sa ganda ng isla.
Maliban sa ganda ng paligid,
mayroon pang ibang nais makita
ang kanyang mga mata.
Ako ba ang hinahanap mo
Miss?, tila nang-aasar ang ngiti ng
lalaki na bigla na lamang lumitaw
sa likuran niya. Dahilan para maout
of balance siya at mahulog dito
mabuti na lamang at mabilis nito
siyang nasapo at napakapit siya sa
braso nito. Hindi niya napansin ang
pagngiwi nito ng masaktan ang
may sugat na braso. Mabilis siyang
humiwalay dito at naalala ang nais
itanong dito.
Nasaan na naman tayo? Bakit
iba na naman ang lugar na ito?
Tila walang balak sumagot ang
lalaki, bagkus ay nilabanan lamang
nito ang tingin niya kaya
nagdadabog siyang bumalik sa
kwarto kanina.
Dahil an rin siguro sa lamig ng
preskong paligid mabilis na inaya
ng antok si Lian at hindi na
nakapaghapunan.
Nagising siya na kumakalam
ang sikmura, kaya naman nilakasan
na ang loob na lumabas dahil wala
naman nilagay na posas sa kanya
at mukha naman mahihirapan din
siyang umalis dito dahil nasa gitna
sila ng isla.
Pumunta siya sa kusina at
binuksan ang ref at puno ito ng
laman, ngunit hindi naman niya
kayang magluto kaya naghanap na
lamang ng de latang easy open at
ito ang kinain niya. Nang
malamnan ang tiyan sinubukan
niyang ikutin ang kabahayan. Nang
makarinig siya na parang may
nasasaktan na tao sa loob ng isang
kwarto at umuungol ito. Dahan
dahan niyang binuksan ang kwarto
at nakita ang lalaking pawisan na
nakahiga sa kama at tila
nagdedeliryo ito at nakakurumpot.
Nang lapitan niya at hawakan ang
noo nito, tila inaapoy ito sa lagnat.
Agad agad siyang kumuha ng maliit
na palanggana sa kusina at
humanap ng damit nito at siyang
ipinunas niya sa noo nito para
bumaba ang lagnat nito.
Nanginginig ang
katawan nito sa lamig at dahil na
din siguro sa lagnat. Pinupunasan
niya ang mukha nito pababa at
napadako sa braso nang mapansin
na tila makapal ang loob ng
manggas nito kaya itinaas niya ito
at nagulat siya dahil may gasa ito
na punong puno ng dugo.
Napatakip siya sa bibig,
kinabahan siya sa nakita, hindi niya
alam ang gagawin dahil nanginginig
ang lalaki at mataas ang lagnat
nito, kaya pala ganun ay dahil may
sugat ito sa braso. Humanap siya
ng bulak at ng panlinis ng sugat at
mabuti na lamang at mayroon sa
mesa sa gilid ng kama. Maingat
niyang tinanggal ang gasa nito at
nilinis ang sugat nitong
dumudugo.Matapos malinis ang
sugat nilagyan niya muli ito ng
gasa. Humanap din siya sa
medicine kit na may gamot at
marahan niyang iniangat ang ulo
nito upang makainom. Mabuti
naman at nagising ito at inilagay
niya sa bibig ang gamot at saka
pinainom ng tubig. Nang makainom
iniayos niya ang unan at inihiga
itong muli na nangangaligkig sa
lamig. Sa awa ng dalaga sa lalaki
ay niyakap na rin niya ito at
tinabihan sa pagtulog kahit may
kumot na ito para makadagdag sa
init na kailangan nito.
Nakatulugan na niyang
nakayakap sa lalaki at kinabukasan
nagising siya na may sumisikat na
araw sa kanyang mga mata, dahil
salamin ang pader. Biglang
naalalang may pasyente siya
kagabi pero bakit wala na ito sa
higaan ngayon. Nakaamoy siya ng
niluluto mula sa kusina kaya
napalabas siya at naabutan itong
nakatalikod na abalang nagluluto
sa harap ng lutuan.
Makakasama pa sa iyo ang
magkikilos, bakit nagluluto ka na
na diyan mister? Galit na sabi niya.
Napalingon ito at matamis na
ngumiti na tila nakakapagpatunaw
sa kanya, ilang beses na niya itong
nakitang ngumiti at lumalabas ang
mapaputi nitong pantay pantay na
mga ngipin.
Salamat sa yakap mo Miss,
gumaling ako agad, pang-aasar
nito sa kanya.
Inirapan niya ito at pinisil
bahagya ang braso nito.
Aray! Bakit mo naman pinisil
ang sakit eh! maluha luhang wika
ng lalaki.
Akala ko ba magaling ka na?
Eh bakit nasasaktan ka pa? Saan
mo naman nakuha ang sugat mo?
Inaapoy ka ng lagnat kagabi at
mabuti na lamang at nagutom ako
kaya narinig ko ang pagdedeliryo
mo.
Napaisip si Lian, bakit kaya
nalaman nito na niyakap niya ito?
Nagisingan kaya nitong nakaakap
siya dito? Takang tanong niya sa
isip.
Stallione POV...
Natatawa lamang siya sa
aksyon ng dalaga, ang totoo alam
niya lahat ng nangyari dahil may
mga camera na sa paligid at
nireview niya ang mga nangyari
kagabi. Parang nais na niyang
kiligin dahil mukhang napag alala
niya ang dalaga base sa mga kilos
nito kagabi at nagawa pa siyang
yakapin dahil sa nanginginig siya
sa lamig. Tatawa tawa lamang siya
habang nakairap ang dalaga.
- Writer
