Alas-siyete pa lang ay nagbyabyahe na si Kevin patungo sa bahay ni Ada.
Hindi niya rin maintindihan ang sarili.
Basta masaya siya ngayong araw.
Nang matapos ang kasal ni Andrew kahapon ay nagpaalam siya na dito tutuloy sa Batangas.
Nagtataka nga ang mga ito dahil himala daw at napapadalas siya dito sa batangas. Samantala dati inaasa niya lahat kay Mr.Tuazon.
Maging naman siya ay pinagtatakhan rin ang sarili.
Napansin niyang nakapasok na siya sa lugar kung saan nakatira si Ada. Nakita niya kasi ang malaking signage ng lugar. Huminto siya sa tabi ng daan kung saan may mga nakahilerang nagtitinda ng pagkain, partikular almusal.
Bumaba siya sa kanyang kotse at nagtungo sa isang tindahan na may mga kakanin na tinda.
"Good morning po," bati niya sa matandang ale na nakatayo sa harap ng m
