Chapter 31
SABRINA
MATAPOS naming kumain ay tinulungan ko na si Damon na magligpit. Siya naman na ang nagluto kaya dapat lang na ako naman ang may gawin. Noong una ay ayaw niya dahil baka masama pa raw ang pakiramdam ko, pero bandang huli ay pumayag din siya pero hindi niya pa rin ako pinabayaang mag-isang magligpit. Although mukhang hindi rin naman siya sanay sa paghuhugas ng pinggan.
"I should've buy a dishwashing machine," aniya kaya nakumpirma kong ayaw rin niya sa gawaing ito.
Tinawanan ko siya at pinisikan ng tubig sa mukha. Pumikit siya dahil doon at tila nandiri. Tubig na lang naman iyon, hindi naman ako ganoon kasama para pisikan siya ng sabon galing sa pinaghugasan.
"Hindi mo nga nakumpleto ang design ng bahay, dishwashing machine pa. At saka hindi ka naman daw dito tumititi
