AKHIRAH:
LABAG sa loob kong iwanan si Raiden sa farm nila at i-postpone ang pagpapakasal sana namin. Pero kung dito ko siya masusubok at mapapatunayan ang sarili niya? Why not. Hindi ko naman siya hihiwalayan. Pero kung totoo ang pinarinig ni Faith na voice recording sa akin na sinabi ni Raiden na mahal na mahal niya pa rin ito ay dito ko mapapatunayang ginagamit nga lang ako ni Raiden. Pero kung malinis ang pagmamahal niya sa akin at gumagawa lang si Faith ng paraan para magkasira kami? Malalaman ko sa mga action ni Raiden habang magkalayo kami.
Napabuga ako ng hangin na panay ang pahid sa luha kong masaganang nag-aalpasan. Alam kong mas matagal silang magkarelasyon. Mas magkakilala. Mas malalim ang naging relasyon nila, kumpara sa amin ni Raiden. Ayokong i-pressure si Raiden na magmada
