AKHIRAH:
NAPAAWANG ang mga labi ko nang pagbaba namin ni Raiden ay may kasiyahan pala dito sa gawi ng garden ng mansion. Halos nandito lahat ng trabahador nila na nagkakasiyahan. Nakaayos naman sa gilid ang mga pagkain at inumin. May mga kumakanta pa na parang live band lang at kitang masaya ang lahat. Kahit ang simple ng decoration nila sa paligid sa pa-welcome back nila sa mga boss nila ay nakakatuwa pa rin sa puso na nagkakaisa talaga silang lahat para pasayahin ang mga amo. Kaya hindi na ako nagtataka kung bakit mahal na mahal ni Raiden ang buong farm at kasali syempre ang mga trabahador nitong pangalawang pamilya na niya kung ituring.
Bakas ang kamanghaan at gulat sa mga mata nila nang mapabaling sa akin ang paningin dahil magkahawak kamay lang naman kami ni Raiden na proud na prou
