Jacquiline Villanueva
Iminulat ko ang mga mata ko at tumayo sa kinahihigaan ko. Hinilot ko ang sintido ko nang maramdaman kong sobrang sakit ng ulo ko, para itong binibiyak sa sobrang sakit!
Ano bang nangyari?
Iniayos ko ang sarili ko at inipitan ko ang buhok ko. Naupo ako sa kama at pilit ko inaalala ang lahat.
Pumunta ako sa bar kasama si Tiffany tapos inubos ko ‘yung dalawang bote ng alak na inorder niya. May lumapit na dalawang lalaki sa akin at nakipag-usap. Tapos bigla akong nahilo at nawalan ng malay.
But wait, anong sunod na nangyari? Anong ginawa ko kagabi?
Binatukan ko ang sarili ko. Ahh! Hindi ko maalala.
Ang tanging naalala ko ay napaginipan ko si Blake. Nagising ako sa isang madilim na lugar at nakita ko siyang nakikipag-away at nakikipag-suntukan sa dalawang lalak
