Jacquiline Villanueva
“Bakit andito tayo?” tanong ko kay Blake na kasulukuyang nakatayo sa entrance door ng isang botique shop sa loob ng mall.
“Pasok.” Maawtoridad niyang sambit.
Pumasok ako sa loob at sumunod siya sa’kin. Nitong mga nakaraang araw napansin ko na napapadalas na ang pagsusungit niya sa akin. Hindi ko talaga maintindihan minsan ang ugali niya. Tinalo niya pa ang babaeng may PMS. Hindi ko rin alam bakit kami pumunta rito. Ilang beses ko siyang tinanong pero hindi niya ako sinasagot.
Inikot ko ang mata ko sa buong lugar at namangha dahil sa lawak nito pati na rin sa dami ng magagandang damit at mga sapatos na nakadisplay. May iba't-ibang pintuan din akong nakita siguro meron pang silid na puno ng mga binebentang gamit sa loob ng mga pintuang iyon. Ibinaling ko ang aking
