Magsasalita sana ako para mag back-out nang maramdaman ko ang paghawak ng kung sino sa kamay ko sabay pisil nito. Para akong nabuhayan nang makita ko si Joshua, hawak niya ang kamay ko at mas nagulat ako sa sunod na ginawa niya sapagkat hinila niya ako pababa nang stage para maitago sa lahat.
Tumigil lamang kami nang makalayo sa lugar na ‘yon. Akala ko tuluyan na nila akong huhusgahan, akala ko hindi na ako makakaalis ‘doon.
“If you fear failure and being judged as a loser, then stand up and start learning how to believe in yourself and overcome your biggest fear.” Pukaw ni Joshua sa magulo kong utak ngayon.
“Nasasabi mo ‘yan kasi walang humuhusga sa’yo.”
“Dumaan ako sa panghuhusga. Akala ko ba idol mo ako? Bakit hindi mo alam kung ano ang mga pinagdaanan ko?”
Nanlaki ang mga mat
