STEVE
Ilang araw narin ang nakalipas nung nagpalipad kami ng saranggola at nagkasagutan kami ni sir Timothy.
Simula nga noon ay hindi narin kami masyadong nagpapansinan, wala rin siyang utos. Alam ko ring napapansin na kami ng dalawa, pero hindi kami nagsasabi kung ano ba ang problema.
Nahihiya kasi ako kaya hindi ko siya maka-usap, Nahihiya ako sa sinabi kung nagseselos ba siya? Bakit ko ba kasi 'yun natanong?
Sa tuwing naiisip ko 'yun ay parang namumula ang aking pisngi dahil nag-iinit ito. Hindi ko kasi maintindihan ang sarili ko, e. Umaasa rin kasi akong nagseselos siya, 'yun ang totoo.
“Mamaya po siguro ay nandito na ang mga magulang mo at ang lola mo po, Sir.” Ani manang ng pumunta ito sa sala.
Ngayon na pala ang dating nila? Hindi narin pala namin namalayan.
