Chapter 38
Josephine’s Pov
HINDI MAWALA SA isipan ko ang pinag usapan namin ni Ms. Veronica. Hindi ko inaasahan na masamang nangyari pala kay Kamden. Kabaliktaran sa mga naisip ko kung ano na siya ngayon.
Hindi mawala din sa isip ko ang mga mata ni Kamden habang nakatitig sa ‘kin. Para bang nawawala siya sa mundong ‘to at hindi niya malaman ang nangyayari sa kanya. Para bang hindi siya ang Kamden na nakilala ko sa Isla.
Panay lang ang likot ko sa kama dahil hindi talaga ako makatulog. Ewan ko ba, hindi ko lubos maisip na ganito pala ang sinapit niya. Nakatakas nga ako kay Esmael pero mukhang si Kamden ang ginawan niya ng masama.
Nang sabihin ni Ms. Veronica ‘yon ay unang pumasok sa isipan ko ay si Esmael. Siya lang naman ang alam ko na gagawa ng ganito ka sama.
Mukhang lutang ako
