Wilson’s pov
KUNG pwede lang ibalik ang nakaraan ay ibabalik niya ang panahon na kasama niya si Carmen. Alam niya kung gaano kamahal ni Carmen ang anak nilang si Marvin pero kinuha niya dito ang anak at inilayo. Napakalaki ng kasalanan niya kay Carmen. Siguro kung hindi niya nilayo si Marvin kay Carmen ay naging maayos ang buhay ng kanyang anak. Napabayaan niya si Marvin sa pag-aakala na nakukuha naman nito lahat ng naisin nito. Akala niya ay sapat na ang pera upang maging masaya. Iyon ang malaking pagkakamali niya. Kailanman ay hindi siya naging masaya sa perang tinamasa niya.
Hindi niya na kilala ang kanyang anak na si Marvin. Wala na itong pinakikinggan. Sukdulan ang kasamaan nito. Matagal na panahon niyang pinagtatakpan ang ginagawa nito. Alam niya ang ginawang pagpata
