Georgia’s pov
UPANG malibang ay minabuti ni Georgia na lumabas ng bahay. Mag-isa lamang siya sa bahay dahil nasa burol ni David ang mga kasama niya sa bahay. Hindi pa rin siya nagpapakita sa burol ni David. Hindi niya pa rin matanggap na wala na ang lalaki.
“Mam saan po kayo pupunta?” tanong sa kanya ng bodyguard na kinuha ni David para sa kanya.
“Pakiusap wag niyo na akong susundan. Gusto ko lang mag-isa,” wika niya sa malungkot na tinig. Mukhang nauunawaan naman ng mga ito ang kanyang sitwasyon kaya hindi na nagpumilit pa. Sumakay siya sa kanyang kotse at pinaharurot iyon. Binuksan niya ang radio. Hindi niya namalayan ang unti-unting pagbagsak ng kanyang luha habang nakikinig ng love song. Tatlong araw nang wala si David at labis na ang kanyang pangungulila sa lalaki
