KINABUKASAN, lahat ay nag-aalala para kay Sachiyo. Lahat sila ay walang ideya kung saan ito pumunta o kung ano na ang nangyari dito. Kung umalis man ito katulad ni Dawn ay bakit hindi man lang ito nagpaalam sa kanila. Hindi na rin sila nakapag-almusal dahil sa sobrang pag-aalala sa kaibigan. Ang cellphone naman nito ay hindi na nila makontak. Nakapatay palagi.
"Wala ba talaga sa inyong sinabihan si Sachiyo kung saan siya pupunta?" tanong ni Mandie habang nasa salas silang lahat.
"Ang sabi niya kasi ay pupunta lang siya sa likod-bahay at maghahanap ng magandang signal." Si Lalaine.
Naisip tuloy ni Mandie iyong pagsigaw na narinig niya sa may likod-bahay kahapon. Hindi niya maiwasan na isiping may nangyaring hindi maganda kay Sachiyo.
"Oo nga pala, guys. Tumawag ulit iyong nanay ni Ulyss
