Pagkaalis ng mokong ay tsinek ko nang mabuti kung naka-lock nga ba talaga 'yong pinto. May nakita pa akong bar lock sa may gilid kaya't isinarado ko rin iyon. Mas mainam na 'yong naka-double lock para mas makasigurado!
Bago ako bumalik sa paghiga sa kama ay nag-text muna akong muli kay Tiya Lumen upang ipaalam na matutulog na ako. Hindi na ako nakatanggap ng reply galing sa kanya; malamang ay tulog na siya.
Papalit-palit na ako ng posisyon ng higa sa kama pero ayaw pa rin akong dalawin ng antok. Kinuha ko ang cellphone ko mula sa side table. Pagtingin ko rito ay ganap ng alas dose ng hatinggabi. Hindi ko alam kung epekto ba ito ng kapeng ininom namin ni Dylan kanina o sadyang namamahay lang ako.
Dahil sa pagka-frustrate ko ay naisipan kong pumunta ng kusina. Nagbabakasakali akong may ma
