Sa daan ay naabutan niyang buhay na buhay pa rin ang 7th Hideout. Naghahanda ang lahat na lumikas bago sumikat ang araw. Alam na ng MNA ang lokasyong ito kaya hindi na ligtas pang pagtaguan. May iilang grupo rin ang inatasan na hanapin si Airah na hanggang ngayon ay patuloy pa rin sa paghahanap. Sana lang ay ligtas ito kung saan man ito naroon ngayon.
Pagpasok sa kubong tinutuluyan, naabutan niyang may pagkaing nakatakip sa lamesa. Malamang ay si Dan ang nag-iwan nito. Sinilip lang niya ito tapos ay hindi na pinansin. Nalipasan na siya ng gutom kakahanap kay Bangs buong maghapon hanggang gabi. Wala na rin siyang ganang kumain dahil sa lungkot at sa inis na nararamdaman. Dumiretso na lang siya sa banyo at naligo.
Matapos na maglinis ng katawan ay may narinig siyang kumatok sa pinto. Hindi
