Nanginginig pa rin ang buong katawan niya sa takot habang inaalala ang nangyari kanina. Ilang minuto pa ang lumipas at pumasok na rin si Dr. Shane na may dalang tasa ng kape. Inalok siya nito ng bitbit nito ngunit tinanggihan niya iyon. Wala siyang gana sa kahit ano ngayon.
"Sorry about earlier," anito bago umupo sa harapan niya. Hawak nito ang tasa ng kape na maya't maya nitong hinihigop. "Hindi naman iyon madalas mangyari rito. Was it your first time witnessing something like that?"
Matamlay niya itong tinanguan. Ang mga mata niya ay nakapako sa asul na carpet sa sahig habang malalim ang iniisip.
"I see." Humigop ito ng kape bago muling nagsalita. "If I were you, sasanayin ko na ang sarili ko. Because I assure you, that won't be the last time you'll see something like that."
May isan
