Mahigit isang minuto nang nakatulala si Lesley sa harap ng salamin at tila wala sa sarili. Basa pa ang mukha niya mula sa paghilamos habang ang mga kamay niya ay mahigpit na nakakapit sa dalawang dulo ng lababo.
Hindi niya maintindihan ang emosyong nararamdaman. Hindi niya alam kung ano ang pinanggagalingan nito pero may mabigat na bagay na dumadagan sa dibdib niya.
Dapat ay masaya siya ngayon dahil nagkaayos na sila ni Kieran at muli na nitong nakasama ang kapatid na matagal na nawalay. Bukod pa roon, narito na sila sa pinakaligtas na kuta ng Crimson Clan malayo sa banta ng MNA at makikita na rin niya si Amanda at Patrick.
Pero bakit parang may kulang? Hindi niya magawang maging masaya ng lubusan.
"Ugh... Les, ano'ng problema?" daing niya habang nakatitig sa sariling repleksyon sa sal
