Kabanata 21: Wala akong Paki
NAPAAWANG ang bibig ni Vivian sa narinig. Siya ba ang tinutukoy ni James na pag-aari nito? Napakurap-kurap pa siya dahil baka namamalik mata lang siya.
Pero naroon nga ito at madilim ang mukhang nakatitig sa kanya. Nagtataka na talaga siya kung paanong ang bilis siyang nahahanap ni James kahit saan siya nagpupunta.
"Sir?" agaw atensyon ni Freda na halatang nabigla rin sa paglapit nito. Siya naman ay dama ang tensyon sa galit na mata ni James.
"Ano nga palang ginagawa n'yo dito, Sir?" kalmadong tanong niya para matauhan si James. Ewan niya kung narinig nila Freda ng sinabi nito kay Jared na ngayon ay masama rin ang tingin sa lalaking nakatayo sa likuran nila.
Kita niyang tila nabigla si James dahil sa masiglang bungad niya. Nakalimutan ata nitong hindi ma
