Nagising ako dahil sa pagyugyog ni Kuya Nelson ng balikat ko. Pupungas pungas akong bumangon at pinilit na ibinuka ang mga mata. Nabungaran ko si Kuya na nakatayo sa harapan ko.
"Bakit dito ka natulog sa labas?" Kunot-noo nitong tanong.
Minulat kong mabuti ang mata ko at pinagmasdan ang paligid. Maging ang sarili ko ay pinasadahan ko rin ng tingin. Nakasuot na ang mga damit ko at wala na rin si Kuya Erik.
"Huy! Kinakausap kita, Migs. Bakit dito ka natulog?" Muling tanong nito.
Napatingin naman ako kay Kuya. "Aaaahhh..." pag-uumpisa ka habang nag-iisip ng idadahilan kay Kuya.
"Aaaahhh?" Panggagaya naman nito.
Napakamot ako ng ulo. "E-e, kasi Kuya hindi tayo kasya sa kama. Sakop ng katawan mo, hindi ako makabwelo ng higa." Dahilan ko.
Matagal na nakatitig sa akin si Kuya bago ito naku
